Crescent Development Project

Crescent Development Project Bakı şəhərində həyata keçirilən, müasir memarlıq, mühəndislik və tikinti həllərini özündə birləşdirən iri miqyaslı çoxfunksiyalı inkişaf layihəsidir. Layihə çərçivəsində kommersiya, yaşayış və digər funksional sahələrin yüksək dəqiqliklə planlaşdırılması və icrası nəzərdə tutulmuşdur. Bu tip mürəkkəb layihələrdə ərazinin və konstruktiv elementlərin dəqiq ölçülməsi, rəqəmsal mühitdə modelləşdirilməsi və icra sənədlərinin düzgün hazırlanması layihənin uğurlu idarə olunması üçün xüsusi əhəmiyyət daşıyır.

Layihə çərçivəsində geodeziya işləri vasitəsilə ərazi və tikinti elementləri yüksək dəqiqliklə ölçülmüş, koordinat və hündürlük məlumatları etibarlı şəkildə əldə edilmişdir. Toplanan ölçü məlumatları əsasında obyektin digital twin modeli hazırlanaraq layihənin mövcud vəziyyətinin rəqəmsal mühitdə ətraflı vizuallaşdırılması təmin olunmuşdur. Bununla yanaşı, memarlıq və mühəndislik koordinasiyasını dəstəkləmək məqsədilə shopdrawing sənədləri hazırlanmış, sahədə icra olunmuş işlərin faktiki vəziyyətini əks etdirən as-built ölçmələr və sənədlər tərtib edilmişdir. Bu yanaşma layihənin tikinti, koordinasiya və son təhvil mərhələlərində daha dəqiq və effektiv idarə olunmasına imkan yaratmışdır.